ِ
Makeover⠀⠀ ⠀⠀ ⠀
330 د.ك
انقل حياتك الى عالم اخر
تفاصيل الخطة
1- استشارة أولية:
استشارة تفصيلية لفهم نمط حياتك وتاريخك الصحي وتغطية:
- الأهداف الصحية والرياضية.
- الطرق العملية المتبعة لتحقيق هذه الأهداف.
- الوعي المطلوب للتغلب على التحديات التي قد تواجهها خلال رحلتك.
2- إنشاء خطة صحية شاملة:
- خطة تغذية + خطة المكملات الغذائية.
- روتين الاستشفاء وتقليل التوتر.
- - خطة لياقة بدنية متكاملة.
3- التواصل والمتابعة:
- الدعم الشخصي عن طريق "الوتساب"
- تقييم اسبوعي للنتائج.
- متابعة يومية لمستويات النشاط والاستشفاء.
ثلاثة اشهر
Thoha –
انا طول عمري من محبين الباستا والمعجنات واعترف انها نقطه ضعفي وسبب السمنه عندي وغير السناكات بين الساعات باختصار مافي تنظيم عندي للوجبات ع كانت خطتي لنزول الوزن هو نظام اللوكارب كانت بدايه يديده حق حياتي تعلمت ادخل الخضروات بالوجبات والاهم ماحسيت بالحرمان حيل سلس وبالنسبه لي اروح خمس مرات بالاسبوع اتمرن المستوى كان يتحسن ماحسيت بالتعب ولا احس باليوع وشعور حلو ان الناس لاحظت علي التغيير ونزول الوزن … صج يعطيها العافيه
Bashayer –
برناامج فوق الحيال ونتايجة على الاكل اللي موجود فيه بعدد الايام اللي تلتزمين فيها بالبرنامج سحر والله .. اذكر اول ما اشترك في البرنامج كانت كمية الاكل راهية لدرجة ماتوقعت اني اخسر وزني فيها بس قلت بجرب .. والتجربة كانت خير برهان .. انا خسرت مع كوتش امل ٥ كيلوات بشهر 🥹 البرنامج مايتطوف وداااايما انصح اهلي وربعي فيه
Bashayer –
برنامج خيالي كأنه سحر من نتائجة .. اشتركت في وايد برامج تغذية لكن الوحيد اللي فادني اهو برنامج كوتش امل وبسسسسس
Nourah –
Started the meal plan for two months now and seeing a BIG difference in my weight loss journey , food is very filling and wide variety of choices , some days i consider skipping a meal because im full 👍
Fatemah alabdulrazzaq –
Fantastic experience amal is very attentive and supportive she provided me with personalized guidance and always gave me that positive push to move forward, i feel a noticeable difference in my overall well-being , i renewed my package without even thinking twice about it
eman.aljumea –
Loved the whole experience, the fact that I hate cooking but managed to prepare my own meals was an accomplishment by itself since the recipes are simple and delicious!
And totally recommend it..will definitely extend my subscription!
Noticed a huge difference in the forest two weeks!
Sam –
البرنامج الي غير حياتي وصحتي بعد فضل الله سبحانه بلشت ٢٠٢٠ ونزلت ١٦ كيلو ب٣ شهور بدون تعب ولا طيحة شعر بالعكس الدم ارتفع والبشره تحسنت والنومه تعدلت … البرنامج غير نمط حياتي وخلاني اعرف اختار
اكلي وانتبه على حركتي ونشاطي وكافي مساعدة الكوتش الدايمه حتى بعد البرنامج الشي الي يخلي الوحده صج تستمر ان في احد معاها يشجعها
Asmaa –
جربت البرنامج لمدة شهر و الحمدلله شفت نتايج ترضيني، وصار عندي وعي أكبر بشنو أدخل جسمي بسبب الخيارات و البدائل المذكورة بالبرنامج، و الوجبات راهية و متنوعة 👍🏻
Shaikha –
البرنامج ممتاز
كميات الأكل راهية و مافي حرمان كلش و النتايج مع الإلتزام خيالية 👏🏻🔥
و أمل أقوى كوتش بالعالم 👏🏻👏🏻
Eman A N –
اشتركت بخطة التغذية مدة شهرين و الحمدلله نزل وزني و نزولي كان كله من الدهون مع المحافظة على نسبة العضل .. الجدول حيل مرن و مريح خاصة انه جاهز مع الوصفات و الكميات .. ما تحسون بيوع كلش ولا تشتهون تخربطون لان فيه كل العناصر الغذائية اللي تحتاجونها
ليلحين ماشية على الخطة و ناوية اكمل ان شاء الله لين اوصل حق الوزن المثالي 💪🏻
Retaj –
صارلي مشتركه بالخطه تقريبا ٨ شهور ونزلت مايقارب ١١-١٢ كيلو الخطه حيل مفيده منهاوصفات لذيذه ولا جنه اكل دايت وهم تعلمج شلون تاكلين من غير تانيب ضمير والمتابعه حييل ممتازه ووايد مرتاحه وان شاء الله مكمله وياها لين اوصل لي هدفي 🥰
عذوب الإبراهيم –
أفضل برنامج غذائي جربته ، الوحيد اللي قدرت أستمر عليه لأنه لايف ستايل ومافيه حرمان ، الأكل فيه راهي ، والحلو بالبرنامج أنه تقدرين تاكلين بالبيت أو بالمطعم مافيه حرمان كللش والحمد لله نزل وزني نزول صحي من بعد ماكان ثابت مدة طويلة وإن شاءالله ناوية أكمل معاج لين أوصل للوزن المثالي.
Haya –
من اول اسبوع النتايج واضحة وعجيييبة الحمدلله والبرنامج خيالي من كثر ما هو كامل من كل النواحي ومريح ومافي اي صعوبة بالعكس ماشاءالله نفس المتوقع واكثر واحسن
انصح وبشدة 👍🏼
Maryam –
اكثر برنامج قدرت استمرّ فيه ويصير لايف ستايل
كملت خمس شهور والنتايج اللي وصلتها ماعمري وصلتها من قبل مع اي برنامج ثاني
ثقتي بنفس زادت وتعرفت على قوه جسمي من البرنامج
كل شيء واضح فيه وسهل تطبيقه
Mariam alsh –
انا مع كوتش امل صارلي تقريبا ٨ اشهر و هذا اول رمضان يمر علي مع برامجها اول مرة احس رمضان يمر وانا ما احس بشعور التخمة بالاكل و دايما شبعانة و معدتي مرتاحة البرنامج متنوع ما يملل والاهم ان يغطي حاجتج من البروتين اذا كنتي ما تبين تخسرين العضل انصح فيه و بشده
Huda –
جربت وايد برامج من قبل بس هذا احسن برنامج الوحيد الي نزل وزني بشكل ملحوظ و الجسم يحافظ على النزول حتى لو خربطت فتره
كانت اخر تجر حقي قبل لا اخذ خطوة ثانية لنزول الوزن بس الحمدلله لقيت امل
sara.almulla –
هذا البرنامج اللي ما يكفيه تعليق؛ يستاهل مقالة.
غيّرني من كل النواحي؛ الجسدية والنفسية والاجتماعية.
كنت رياضية ٨ سنين وقطعت رياضة بسبب إن النادي تسكر ومدربتي غيّرت توجهها الرياضي واتجهت للبيلاتس وكنت أحس البيلاتس مو كفاية، وبنفس الوقت كنت أحس مستحيل أتمرن بروحي بدون مدربة ما عندي الثقة الكافية لهذا الشيء.
عشت سنتين في ضياع اشتركت خلالها ب٣ نوادي مع ٣ مدربات إلى إن قررت أجرب هذا البرنامج العجيب وانبهرت بالنتيجة، ساعدني في بناء لايف ستايل مو شيء وقتي، كمية الأكل وتنوعه شيء مو عادي … قمت أشوف الأكل بنظرة ثانية مختلفة، ساعدني بمعرفة جودة الأكل وشنو يدخل جسمي مع مواقيت الأكل بدون حرمان كل شيء أقدر آكله بتوازن وحكمة ولمست الخفة الروحية وخفة الجسد حتى مدربتي البيلاتس لاحظت زيادة قوتي من أول شهر.
حتى في فترة رمضان، بدون مبالغة أريح وأجمل رمضان مر علي رغم إني أتمرن وأنا صايمة.
خلص رمضان عيّدت بالنتايج الجبارة والخفة والرشاقة بدون لا أحرم نفسي من الوربات والقطايف والتشريب.
البرنامج واضح من ناحية التمارين والتغذية وتمارين التنفس وفيه شرح كافي ووافي ومن خلال متابعة المدربة وتواصلها اللي يخلي الشخص مطمئن ويعطي تشجيع للاستمرار والمواظبة، البرنامج فيه جزء من روحها وطاقتها الواضحة واللي تعطيكم حافز والهام مو عادي عسى الله يبارك لها ويزيدها من فضله.
من قبل كنت أروح النادي ومعاي مدربة إلا إني كنت أروح وأنا أحس إني مجبورة وكنت ألغي كلاساتي لأي عذر كان دورة، عطلة، انشغال، مرض إلا أن هذا البرنامج العجيب عطاني ثقة أدخل النادي بروحي أتمرن وأطلع، خلاني التزم التزام عمري ما توقعته فيني وما صدقت نفسي إني أروح النادي حتى بأول يوم دورة وبعطلة العيد.
بكل صراحة كنت ضايعة سنتين وهذا البرنامج هو الوضوح اللي شفته بدربي وبحياتي الصحية، غير إني قاعدة أبني مناعتي الجسدية وهذا الشيء لمسته من أول شهر.
هذا الشهر الثالث ومستمرة إن شاء الله لي درجة جددت الاشتراك وللحين ما خلص اشتراكي القديم وكلي شغف بالجداول والخطط القادمة ومستمتعة حييييل بالرحلة العجيبة. 💫
وكلي حب وامتنان للمدربة أمل بن ناجي، عسى الله يبارك فيها ويبارك لها لإخلاصها وإتقانها لعملها. 🤍🙏🏻